Hotel Dynastic er gott 4 stjörnu hótel staðsett u.þ.b. 500 metra frá Levante ströndinni á Rincón de Loix svæðinu.   Fjöldi veitingahúsa, skemmtistaða og verslana eru í næsta nágrenni.  Hótelið var opnað í maí árið 2005.   Á hótelinu er glæsileg heilsulind með innisundlaug, líkamsræktaraðstöðu, nuddpotti ásamt snyrti- og nuddstofu.  Góð aðstaða við útisundlaugina og leiksvæði fyrir börn. Skemmtidagskrá á kvöldin. 
Herbergin eru rúmgóð og öll með síma, sjónvarpi, öryggishólfi, aðgangi að internetinu, svölum og loftkælingu. Herbergin rúma að hámarki 2 fullorðna og 2 börn.  Möguleiki á samtengdum herbergjum fyrir stærri fjölskyldur.

Á Dynastic er allur matur og drykkir innifaldir frá kl. 10 til miðnættis.  Morgunverður, hádegisverður, kvöldverður og snarl á milli mála.  Allir innlendir drykkir með mat og yfir daginn.  Einnig er frír aðgangur að heilsulindinni.