Upplifun

Gott 4 stjörnu hótel (hét áður Tenerife Princess), frábærlega vel staðsett í hjarta Playa de las Americas þar sem örstutt er í verslanir og þjónustu . Nýtískuleg bygging sem stendur í fallegum gróðursælum sundlaugagarði. Gott hótel fyrir alla fjölskylduna.

Vistarverur

Á hótelinu eru 365 vel búin herbergi með öllum þægindum, þar sem eru tvö stök rúm, skrifborð, öryggishólf, sími, sjónvarp og minibar sem hægt er að fá í gestamóttöku. Á herbergjum er loftkæling, fullbúið baðherbergi með hárþurrku og svalir sem ýmist snúa inn í sundlaugargarðinn, með útsýni yfir Playa de las Americas eða upp til fjalla.

Aðstaða

Góð sólbaðsaðstaða er við hótelið í gróðurmiklum garðinum, bogalöguð sundlaug með hengibrú, fossi og barnalaug og gott leiksvæði fyrir börnin. Ókeypis sólbekkir eru fyrir gesti.

Afþreying

Á Best Tenerife er að finna bæði tennis- og skvassvöll. Internetaðstaða er á hótelinu og auk þess er öflug skemmtidagskrá í boði bæði á daginn og kvöldin svo allir ættu að finna eitthvað við sitt hæfi.

Veitingastaðir

Aðalveitingastaður hótelsins er hlaðborðsstaður við sundlaugargarðinn, þar sem er borinn er fram morgun- og kvöldverður er þykir ljúffengur. Skemmtilegt grill, veitingahús og bar er að finna í og við sundlaugina þar sem hægt er að svala löngun í mat og drykk yfir daginn.

Fyrir börnin

Krakkaklúbbur fyrir yngstu kynslóðina og fjölbreytt skemmtidagskrá er í boði á daginn og kvöldin fyrir börn sem fullorðna.

Staðsetning

Best Tenerife er mjög vel staðsett í hjarta Playa de las Americas. Aðeins 300 m á ströndina (stígur frá hótelinu) fjöldi verslana, kaffihúsa, veitinga- og skemmtistaða er í næsta nágrenni. Fyrir þá sem vilja komast í golf er Golf las Americas golfvöllurinn aðeins 1 km fjarlægð.