Gott að vita

Landið

Eyjan er rétt um 300 km frá ströndum Afríku og 1.300 km frá meginlandi Spánar. Hún er um 2.000 km2, skringilega þríhyrnd í laginu og á eynni miðri rís hið tignarlega Pico del Teide 3.718 metra upp úr Atlantshafinu - hæsta fjall Spánar.

Akstur

Vegna mismunandi þarfa viðskiptavina okkar er akstur að og frá flugvelli erlendis valkvædd þjónusta fyrir þá sem það kjósa. Ath: að bóka og greiða þarf aksturinn fyrir brottför frá Íslandi.

Gjaldmiðill

Evra (EUR). Hér má finna gengi Evrunnar.

Veður

Meðalhitastig

apríl	maí	júní	júlí	ágúst	sept	okt
22°c	23°c	24°c	27°c	28°c	27°c	26°c

Veðrið í dag

Verslanir

Verslanir eru almennt opnar frá kl. 09:30 - 13:30 / 14:00 og frá 16:30 - 20:30 / 21:00 alla virka daga. Athugið að opnunartími verslana er þó mjög breytilegur eftir verslunum. Stórmarkaðir og verslunarmiðstöðvar eru opnir frá kl. 09:15 - 21:00 alla daga nema sunnudaga.

Greiðslukort

Hægt er að taka reiðufé út á kort í hraðbönkum sem eru víða. Hótel, stærri verslanir og veitingastaðir taka flest greiðslukort.

Bílaleiga

Framvísa skal gildu, íslensku ökuskírteini. Lágmarksaldur leigutaka er 21 árs.

Samgöngur

Strætisvagnar ganga á milli þorpa á eyjunni og til höfuðborgarinnar Santa Cruz og Puerto de la Cruz á norðurhluta Tenerife. Leigubílar eru á hverju horni.

Ferðatilhögun

Flogið er í beinu leiguflugi til Tenerife. Flugið tekur um það bil fimm og hálfa klukkstund. Frá flugvelli til hótela á Playa de las Americas og Costa Adeje er um 20 - 25 mínútna akstur.

Ekki er æskilegt að fljúga út eftir 32. viku ef konur eru barnshafandi.

Súrefni

Auka súrefni í flugvélinni kostar 6.000 kr. hvora leið ef flogið er með Flugleiðum. Bóka þarf súrefnið hjá sölumanni á skrifstofu fyrir brottför.

Sport og afþreying

Á svæðinu er fjölbreytt afþreying, vatnsleikjagarðar, dýragarður, margir golfvellir þ.a. 2 inná miðju ferðamannasvæðinu á Playa de las Americas og Costa Adeje. Tennis, mini-golf, hjólaleigur, óteljandi veitingastaðir, barir og diskótek sem opin eru fram undir morgun.

Á allri strandlengjunni er hægt að stunda margvíslegar vatnaíþróttir, s.s. sjóskíði, vatnaketti, Jet-ski, banana, eða láta sportbát draga sig í fallhlíf ásamt fjölda leiksvæða fyrir born á hinum morgu litlu ströndum svæðanna. Einnig köfun, bátsferðir, skútu og snekkjuleigur og margt fleira.

Tímamismunur

Á veturna sá sami og á Íslandi. Frá april til október bætið við 1 tíma.

Rafmagn

220-240 volt.

Verslun

Fjöldi merkjavöruverslana er á Costa Adeje og Playa de las Americas. Margar nýlegar verslunarmiðstöðvar undir opnum himni eru í Parque Santiago hverfinu á Playa de las Americas. Í höfuðborginni Santa Cruz, La Laguna og Puerto de la Cruz eru nokkrar glæsilegar verslunarmiðstöðvar ásamt El Corte Inglés og Carrefour. Á Tenerife er hægt að kaupa allt sem hugurinn girnist á góðu verði.