Club Anastasia er um 1,5 km frá miðbæ Marmaris. Gott íbúðarhótel sem hentar sérstaklega vel fyrir fjölskyldufólk þar sem mikið er í boði fyrir yngri kynslóðina. Í líflegum garðinum eru 3 sundlaugar og stór sundlaugarbar með góðum sjónvarpskjá.
Sérlega fallegt hótel við einkaströnd. Tvær sundlaugar eru við hótelið, önnur við ströndina en hin í glæsilegum garðinum. Á ströndinni er hægt að stunda alls konar vatnaíþróttir gegn gjaldi, svo sem köfun, seglbretti og fleira.
Prestige er 3 stjörnu hótel og íbúðarhótel staðsett aðeins 150 m frá ströndinni við aðalgötuna í Siteler hverfinu í Marmaris. Í boði eru íbúðir með einu svefnherbergi. Góður garður með sundlaug og barnalaug, góð sólbaðsaðstaða.