Töfraeyjan Mallorca

Paradísareyjan Mallorca er einn vinsælasti ferðamannastaður Evrópu og kemur sífellt á óvart. Sólríkar strendur, kristaltært hafið, pálmatrén og iðandi næturlífið.

Mallorca er miklu meira en bara falleg sólarströnd, enda eru það ekki bara Íslendingar sem hafa uppgötvað þessa einu sönnu perlu Miðjarðarhafsins. Margir listamenn hafa einmitt nýtt sér kyrrð eyjunnar og dvalið fjarri stórborgum sér til heilsubóta og í leit að innblæstri. Á Mallorca er auðvelt að lifa og njóta.

Norðurhluti Mallorca: Alcudia og Can Picafort 

Alcudia er vinsæll ferðamannastaður á norðurhluta eyjarinnar sem hentar einstaklega vel fyrir fjölskyldufólk. Svæðið samanstendur af gamla bænum í Alcuria, sandströndinni sem teygir sig til Can Picafort og fallegri smábátahöfn sem má segja að sé miðpunktur svæðisins. Hér er fjörið ögn minna en á suðurströndinni og því tilvalið fyrir barnafólk eða fólk í leit að ró og næði að slaka á. Hér er mikil áhersla lögð á fjölskylduna, hreinar strendur og fjölbreytta afþreyingu.

Akstur frá flugvellinum tekur um 50-55 mínútur.

Gamli bærinn í Alcudia er um 3 kílómetra frá ströndinni og eru elstu hlutar hans frá 14. öld þrátt fyrir að saga bæjarins sé töluvert lengri. Alcudia ströndin er aðgrunn og sjórinn hlýr, sem gerir hana einstaklega hentuga fyrir börn að leik. Gylltur sandurinn og tær sjórinn lokkar til sín sólþyrsta Íslendinga sem koma endurnærðir til baka eftir frí við þessa strönd. Allur aðbúnaður er eins og best er ákosið og heimamenn passa sig að allt sé í góðu standi. Stutt er í verslun og veitingastaði ásamt iðandi mannlífinu í miðbæ Alcudia.

Í Alcudia og nágrenni er að finna eitthvað við allra hæfi. Vatnagarðurinn Hidropark er ógleymanleg skemmtun fyrir alla fjölskylduna, fjöldinn allur af ýmis konar rennibrautum fyrir stóra sem smáa. Við mælum líka með dagsferð til nálægra þorpa eins og Pollenca þar sem hægt er að þræða þröng stræti og kynnast spænskri menningu. 

Frá höfninni í suðausturátt liggur glæsileg strandlengja yfir 10 km löng til smábæjarins Can Picafort. Þar er mjög góð aðstaða fyrir fjölskyldufólk til þess að sleikja sólina og njóta lífsins og því sem bærinn hefur upp á að bjóða. Í Can Picafort er einnig ágætis úrval af verslunum og veitingastöðum. 

Playa de Palma

Við Palma flóann, örskammt austan við höfuðborgina Palma er Playa de Palma. Svæðið er fullkomin umgjörð fyrir ógleymanlegt sumarfrí. Ströndin er sú lengsta á Mallorca og verslanir, veitingahús og kaffihús standa í röðum við strandgötuna og aðalgötu bæjarins. Við bjóðum upp á góða gististaði á þessu svæði þar sem þú og þínir geta virkilega notið þess að vera í fríi.

Palmanova

Palmanova er fallegur strandbær á suðurströnd Mallorca. Strandgatan í Palmanova setur mikinn svip á bæjarbraginn, með kaffi- og veitingahús á aðra hönd en ylvolgan sandinn á hina. Ströndin á Palmanova er ein sú besta á Palma flóanum með skínandi hvítar sandstrendur.

Santa Ponsa

Santa Ponsa þekkja margir Íslendingar, Palma Nova og Magaluf eru í 10 mín fjarlægt frá Santa Ponsa og 20 km eru í höfuðborgina Palma. Fallegt umhverfi með góðum hótelum, líflegt götulíf, veitingastaðir og verslanir eru á hverju strái meðfram ströndinni sem er full af lífi og fjöri yfir ferðamannatímann. Hvít sandströndin er löng og breið og mjög barnvæn.

Höfuðborgin Palma

Palma er af mörgum talin ein fallegasta og hreinlegasta borgin við Miðjarðarhafið. Í gamla hluta borgarinnar eru þröngar götur og fallegar sögufrægar byggingar prýða borgina og minna á forna frægð. Þar má helst nefna Dómkirkjuna, gömlu kauphöllina, Márahöllina að ógleymdum Bellver kastalnum sem er eini hringlaga kastalinn á Spáni.

Kastalinn stendur í raun vörð um borgina og má þar finna stórbrotið útsýni yfir borgina. Listamaðurinn heimsfrægi, Picasso, bjó um tíma í Palma og í fyrrum híbýlum hans er nú safn þar sem hægt er að bera augum mörg listaverk eftir hann. Þrátt fyrir að við getum ekki lofsamað þessa frábæru borg nóg mælum við líka með að fólkið okkar kíki út fyrir borgarmörkin. Hægt er að keyra um sveitirnar, sjá bændur að störfum eða drekka nýkreistan ávaxtasafa í litlum kofa á hæsta tindi. Nú eða heimsækja nærliggjandi strendur og njóta lífsins í náttúrunni.

Verslun  

Á Mallorca er svo sannarlega hægt að gera góð kaup. Í höfuðborginni Palma eru allar helstu verslanir á borð við Zara, Mango, Desigual, C&A og að sjálfsögðu H&M okkar allra. Verslunarhús eins og El Corte Ingles og verslunarmiðstöðin Porto Pi eru með yfir 140 verlsanir. Það tekur sirka 50 mínútur að keyra frá Alcudia til Palma. Á Mallorca er líka hægt að gera einstaklega góð kaup þegar kemur að leðurvörum.
Í Alcudia má helst finna útimarkaði og ferðamannaverslanir. 

Næturlíf sem sögur fara af

Næturlífið á Mallorca er fyrir löngu orðið þekkt út fyrir eyjuna. Þar finnur þú næturklúbba af öllum stærðargráðum þar sem hægt er að dansa fram á rauða nótt í góðra vina hópi. Við strendurnar er svo gott úrval minni klúbba þar stuðið er af smærri skala. Við minnum ykkur líka á að Spánverjar snæða gjarnan kvöldmat síðla kvölds og því byrjar fjörið yfirleitt uppúr miðnætti. Kannski eitt af fáu sem Ísland á sameiginlegt með paradísareyjunni?

Fjölbreyttir gististaðir

Á Mallorca erum við með samninga við mikinn fjölda gististaða sem henta öllum gerðum hópa sem með okkur ferðast. Á eyjunni er að finna allar gerðir gististaða á góðu verði. Allt frá stórum lúxushótelum til snoturra íbúða, þið segið til.

Gistingar á Mallorca

Iberostar Playa de Palma er gott 5* hótel og hefur verið einstaklega vinsælt meðal Íslendinga í mörg ár. Hótelið er nýuppgert og stendur við ströndina á Playa de Palma á frábærum stað

Lesa meira

Zafiro Palace Palmanova er frábært 5* hótel í Palmanova og einungis 15 min frá borginni Palma. Góður kostur fyrir fjölskyldur en garðurinn er mjög stór og nægt pláss. SPA er á hótelinu, barnalaug, nokkrar sundlaugar og sundlaug aðeins fyrir fullorðna.

Lesa meira

Zafiro Tropic er skemmtilegt 4ra stjörnu íbúðahótel sem staðsett er nálægt ströndinni í Port d'Alcudia. Á hótelinu er sundlaug með sjóræningjaskipi, vatnsrennibrautir og slökunarlaug með Balírúmum. Fallegur garður með góðri sólbaðsaðstöðu.

Lesa meira

Iberostar Cristina er mjög gott 4ra stjörnu hótel, frábærlega staðsett á Playa de Palma. Í næsta nágrenni er fjöldinn allur af veitingastöðum og verslunum. Á hótelinu er fallegur sundlaugargarður, barnalaug og leiksvæði fyrir smáfólkið.

Lesa meira

Hótel Comodoro er gott 4ra stjörnu hótel á ströndinni á Palmanova þar sem Magaluf og Palmanova mætast. Frábær staðsetning, alveg við ströndina. Snyrtileg sundlaug og góð sólbaðsaðstaða. Öll herbergi með dásamlegri sjávarsýn og góðum svölum.

Lesa meira

Glæsilegt 4ra stjörnu hótel staðsett örfáum metrum frá ströndinni í Palmanova. Fyrsta flokks þjónusta og frábær aðstaða á hótelinu gerir það að verkum að allir í fjölskyldunni njóta sín í fríinu. Glæsilegur sundlaugargarður með skemmtilegum leiktækjum fyrir börnin. 

Lesa meira

Fontanellas Playa er mjög gott 4ra stjörnu hótel staðsett á ströndinni á Playa de Palma. Í næsta nágrenni er úrval veitingastaða og verslana. Á hótelinu er góður garður með tveimur sundlaugum og barnalaug. Á hótelinu er líka lítill fótboltavöllur og falleg heilsulind.

Lesa meira

BH Mallorca er frábært 4ra stjörnu partí hótel í hjarta Magaluf þar sem áherslan er lögð á ógleymanlega upplifun og skemmtun allan sólarhringinn. Á hótelinu er vatnsrennibrautargarður, gríðarstórt svið og DJ heldur uppi skemmtun í sundlaugargarðinum. Sjón er sögu ríkari! 

Lesa meira

PortoDrach er frábært 4ra stjörnu íbúðahótel í Porto Cristo í um 10 mínútna göngufjarlægð er að ströndinni. Frábær sólbaðsaðstaða og í nágrenni við hótelið eru skemmtilegir veitingastaðir og barir. Hótelið er einungis 400 m frá hinum frægu Drekahellum. 

Lesa meira

Europe Playa Marina  er 4ra stjörnu hótel vel staðsett við sjóinn í Illetas sem er  um 13 km frá  Palma. Fín sundlaug og góð sólbaðsaðstaða með dásamlegu útsýni. Á hótelinu er líkamsrækt og hjólaleiga. 

Lesa meira

Occidental Playa de Palma hét áður Hotel Barceoa Pueblo Park er gott 4ra stjörnu hótel á Playa de Palma aðeins 200 metrum frá ströndinni. Sundlaugargarður með sólbaðsaðstöðu, sundlaug og barnalaug. Veitingastaður og bar er á hótelinu en stutt er í alla helstu þjónustu, veitingar og verslanir.

Lesa meira

Hotel Agua Beach er 4 stjörnu gisting með frábærum garði þar sem gestir geta sólað sig og horft út á Miðjarðarhafið. Veitingastaður með hlaðborð og bar sem framreiðir ekta spænska tapasrétti. Hótelið er einungis fyrir 18 ára og eldri

Lesa meira

Hotel H10 Punta Negra Boutique er gott 4ra stjörnu hótel er staðsett á hinni friðsælu Costa d‘en Blanes-strönd sem er á suðurhluta eyjunnar. Hótelið er staðett á einu af fallegustu svæðum Mallorca. Fallegt landsvæði í kringum hótelið og auðvelt að gleyma sér í umhverfinu.

Lesa meira

H10 Casa del Mar, áður H10 Playas de Mallorca, er gott 4ra stjörnu hótel við ströndina í Santa Ponsa. Snyrtilegur garður með stórri sundlaug, barnasundlaug en stutt er niður á ströndina ef hugurinn leitar þangað. Herbergin eru björt og snyrtileg með svölum eða verönd. Á hótelinu er bæði veitingastaður og sundlaugabar. 

Lesa meira

Hótel Coronado er 4* hótel, sem er staðsett í einnar mínútu fjarlægð frá ströndinni. Hótelið hefur upp á margt að bjóða og er tilvalið fyrir fjölskyldur. Herbergin eru rúmgóð og björt með frábæru útsýni. Á hótelinu er meðal annars spa, inni- og útilaug, nudd og líkamsræktaraðstaða. Lesa meira

Hótel Las Gaviotas er 4* hótel einungis 100 metrum frá Playa del Muro ströndinni. Stór garður með tveimur sundlaugum, önnur meðal annars tilvalin fyrir lítil börn. Gott hótel hvort sem það er fyrir fjölskylduna, pör eða vini.

Lesa meira

Hotel Eix Alcudia er 4* hótel staðsett í fallega bænum Alcudia einungis um 100 metrum frá ströndinni. Hótel er eingöngu fyrir 18 ára og eldri.

Lesa meira

Hotel Senses Palmanova er flott 4* hótel staðsett nánast við ströndina í Palmanova. Þetta hótel er tilvalið fyrir pör eða vini sem eru að leit af slökun og rólegheitum. Hótel er eingöngu fyrir 18 ára og eldri.

Lesa meira

Hotel Cala D'or er 4 stjörnu hótel staðsett einungis nokkrum min frá fallegu ströndinni í Cala D'or. Útsýnið er ekki af verri endanum en ýmist er horft út á sjó eða út í garð. Hótelið er eingöngu fyrir 18 ára og eldri.

Lesa meira

Hotel Armadams er huggulegt 4* hótel. Það er vel staðsett á Palma de Mallorca, stutt er í verslanir, höfnina, dómkirkjuna, listasöfn, golfvelli og fleira.
Tvær sundlaugar eru á hótelinu, morgunverðarhlaðborð, Spa og listasafn. Herbergin eru snyrtilega innréttuð, hljóðeinangruð með baðherbergi og fleiru.
 

Lesa meira

Sol Alcudia Center er staðsett á fallegum stað, 150 metra frá strönd. Gestir velja um íbúðir eða stúdíó. Vel búnar íbúðir með eldhúskrók og verslun er beint fyrir utan. Stór sundlaug í garðinum og ágæt aðstaða til sólbaða. 

Lesa meira

Sol de Alcudia er gott þriggja stjörnu hótel  staðsett um 500 metra frá ströndinni í Alcúdia. Góður kostur fyrir stærri fjölskyldur íbúðir með 1 eða 2 herbergjum. Í garðinum er sundlaug og barnalaug fyrir yngri gestina. 

Lesa meira

Roc Portonova í tveggja mínútna rölti frá ströndinni í einum kyrrlátasta hluta Palmanova, með snoturt útsýni yfir flóann. Tilvalið íbúðahótel fyrir fjölskylduna.

Lesa meira

Apartamentos Vista Club er 3ja stjörnu íbúðagisting við Santa Ponsa ströndina um 300 metrum frá miðbæ Santa Ponsa. Verslanir, kaffihús og veitingastaðir eru í göngufæri frá hótelinu. Sundlaug og snarlbar í garðinum. 

Lesa meira

Aquasol er þriggja stjörnu gisting á Palmanova aðeins 200 metrum frá ströndinni. Fín sundlaug, veitingastaðir og skemmtidagskrá. 

Lesa meira

Don Miguel er einföld og þægilegt þriggja stjörnu hótel staðsett á rólegum stað á Playa de Palma, stutt er í alla þjónustu og einungis um 450 m eru á ströndina. Sundlaug, tennisvellir, borðtennis og minigolf eru við hótelið. Öll herbergin eru með svölum og húsgögnum með útsýni yfir sundlaugagarðinn eða tennisvellina.

Lesa meira

OLA Tomir er góð 3 stjörnu íbúðargisting staðsett rétt utan við Palmanova svæðið, í um 10 mínútna göngufæri frá Costa Blanes ströndinni.

Lesa meira

Hotel Amic Horizonte er fjölskyldurekið 3* hótel með frábært útsýni yfir Palmaflóanum. Herbergin eru björt og snyrtileg með baðherbergi.
Mikið úrval veitinga er á hótelinu. Stutt er í næturlíf Palma, ströndina og verslunarmiðstöð. Á hótelinu er sundlaug og barnalaug. 

Lesa meira

Apartmentos Holiday Park er tveggja stjörnu gisting í Santa Ponsa, hótelið er í göngufæri við ströndina. Við hótelið er lítil matvöruverslun, verslanir og veitingastaðir eru í næsta nágrenni.

Lesa meira

Apartamentos Cala d´Or Park er tveggja stjörnu gisting staðsett í útjaðri Cala D´Or. Verslanir og veitingastaðir eru í göngufæri í Cala Llonga en í garði hótelsins er góð sundlaug fyrir börn og fullorðna og aðstaða til sólbaða.

Lesa meira